Njësia Operacionale Lëvizëse e Qarkullimit Rrugor është “dislokuar” ditën e sotme në rrethet Mat, Dibër e Bulqizë, kryesisht në hyrje daljet e qyteteve.
Shumë posedues mjetesh janë gjetur në shkelje të ligjit, nuk kanë patur dokumentacionin e duhur për mjetet që drejtonin. Disa nuk kishin leje drejtimi, të tjerë posedonin mjete për përdorim familjar ndërkohë që transportonin me furgonë banorë nga zonat rurale në qytete. U konstatuan edhe drejtues makinash që nuk kishin paguar taksat e tarifat.
Në mbrëmje u njoftua se 80 drejtues mjetesh janë dërguar në komision dhe janë hequr 10 leje drejtimi.