Një politikan i nivelit të lartë në Shën Pjetërburg dha dorëheqjen nga posti si kryetar i një prefekture komunale dhe u dëbua nga partia qeverisëse Rusia e Bashkuar, pasi gjatë bastisjes së policisë në shtëpinë e tij u zbulua një kazino sekrete.
Sipas medieve ruse, policia mësyu në banesën e Oleg Kalyadin, ku gjetën tavolina pokeri, ruletë dhe aparatura të tjera të lojërave të fatit.
Edhe pse Kalyadin tha se po merrte me qira pronën dhe nuk e dinte se çfarë kishte brenda, gjithsesi ai dha dorëheqjen. Pamjet filmike të aksionit të policisë u shpërndanë në internet.
Në vitin 2009, kazinotë ishin të jashtëligjshme në pjesën më të madhe të Rusisë, përveç zonave të përcaktuara në rajonin Altai, Krasnodar, Kaliningrad dhe Primorsky.