Sot u zhvillua mbledhja e katërt e komitetit të Rindërtimit për banesat e shkatërruara nga tërmeti i 26 nëntorit.
10,023 qytetarë vazhdojnë të jenë të pastrehë, në çadra, ndërsa 12 mijë familje përfitojnë bonusin e qerasë. E ftuar në Top Talk ditën e sotme për të folur pikërisht për këtë gjë ishte inxhinierja Luljeta Bozo.
“Është bërë një punë shumë e madhe për të arritur atë që do jetë shpëtimi i zonave rurale, nuk flas për qytetet e mëdha”.
Por si do bëhet kjo? Bozo tregon se sot në mbledhje janë përcaktuar të gjitha zonat për të cilat është bërë një plan rregullues.
“ Thumana, Bubqi, Fushë-Kruja dhe shumë të tjera. Shtëpitë në fshat do jenë një katëshe , maksimumi 2 dhe me pak oborr, si punë vilash pak a shumë. Duke qenë të grumbulluar këto banesa, atyre u shërbehet shumë më mirë, e dyta bashkojnë edhe kapitalet e tyre, toka bagëti etj, që do përdoren për më mirë”, shprehet ajo.
Por si do të ndërtohen ato konkretisht? “Këto shtëpi kanë disa vantazhe. I pari që do kenë themel pllakë, që është më i sigurti, e dyta struktura shumë e lehtë, dhe nga pikëpamja ekologjike janë shumë më të mira”, tregon Bozo.
Ndërsa për pallatet, ajo tha: Atje ku ka qenë, atje do ndërtohen. Kostot për të cilët i mbulon shteti.
Në fund inxhinierja Boza kishte edhe një apel për të prekurit. Të ketë mirëkuptim dhe të ndihmojnë me sa të munden. Duhet durim, sepse ky proces ka procedura.