Me një pasuri prej 570 milionë dollarësh, Tom Cruise është një prej aktorëve më të paguar në Hollyëood. Në majën e industrisë së filmave për më shumë se 30 vjet, Tom e kemi parë si protagonist në shumë prodhime të rëndësishme kinematografike, si “Top Gun” apo “Mission Impossible”.
Në vitet 90’ ai ka qenë i martuar me aktoren e famshme, Nicole Kidman, me të cilën ka dy fëmijë, Isabella dhe Connor Cruise. Por edhe pse ishin një prej çifteve më të dashur të publikut, aktorët i dhanë fund martesës në vitin 2001, ku shkak u bë roli që Tom ka pasur dhe vazhdon të ketë në kishën e “Scientology”, një fe relativisht e re, që ndjek besimet dhe praktikat e shkruara në 1952-shin nga autori L.Ron Hubbard.
E dhamë këtë informacion të shkurtër, pasi pikërisht besimi i Cruise, u bë shkak që ai të divorcohej dhe nga bashkëshortja e tij e dytë, Katie Holmes, me të cilën ka dhe një vazjë, Suri-n. Gjithmonë si pasojë e “Scientology” ai nuk ka prej vitesh komunikim me Holmes dhe me të bijën, por ndryshe është historia për Isabella dhe Connor Cruise. Respektivisht 27 dhe 25 vjeç, ata janë pjestarë aktivë të kishës, në të cilën babi i tyre tashmë është “numri dy”. Madje fëmijët nuk kanë më kontakte me mamanë dhe kanë zgjedhur të qëndrojnë vetëm pranë Tom.
Pikërisht Isablla është dhe protagoniste e lajmit, sepse mesa duket ajo ka zgjedhur që të nxjerrë të ardhurat duke shitur rrobat dhe sendet e saj të përdorura në aplikacionin e quajtur “Depop”. Në këtë platformë, Isabella përdor të njejtin pseudonim si në Instagram, “Beezëell” dhe madje ofron shpërndarjen falas në të gjithë Mbretërinë e Bashkuar, duke qenë se jeton në Londër.
