Të gjithë udhëtarët që mbërrijnë në Pekin, Kinë, nga Italia, Korea e Jugut, Japonia dhe Irani, do të vendosen në karantinë për 14 ditë, për të luftuar epideminë e koronavirusit.
Lajmi u bë me dije nga zëvendës sekretari i përgjithshëm i qeverisë së Pekinit, Chen Bei.
Edhe qyteti i Shangait, ka marrë të njëjtën masë për gjithë ata që mbërrijnë nga vendet e prekura, por pa specifikuar me emra.
Sakaq edhe në Sri Lanka, të gjithë pasagjerët që do të mbërrijnë nga Italia, Irani dhe Korea e Jugut do të vendosen në karantinë për 14 ditë.
Kush mbërrin nga këto tre shtete është ftuar që të qëndrojë në shtëpi ose në spital për 14 ditë në karantinë. Po ashtu ndalohet zbarkimi i pasagjerëve nga anijet kroçerë, pasi pasagjerët e tyre cilësohen më vulnerabël për tu prekur nga virusi.