Twitter i jep hijeshi mesazheve që vetëeliminohen pas 24 orëve. Mikroblogu po eksperimenton me “fleet”, versioni i saj i Stories i lançuar nga Snapchat dhe më pas u përhap në Messenger, Instagram dhe WhatsApp.
Testimi po bëhet në Brazil në iPhone dhe pajisjet Android dhe ende nuk dihet se kur do të jetë në dispozicion të përdoruesve.
Në bazë të fotove të publikuara online, Fleet janë nga ana grafike të ngjashme me Stories në Instagram, me ikonat e rrumbullakta në pjesën e sipërme të ekranit.
“Njerëzit thonë shpesh se nuk ndjehen në lartësinë e duhur të shkruajnë “tweet” pasi mund të shihen nga kushdo dhe mund të përgjgjet kushdo, janë të përhershme dhe subjekt i një performace”, ka thënë menaxheri i Twitter, Kayvon Beykpour në platformë. “Ndryshe nga tweet, fleet do të zhduken pas 24 orësh dhe nuk do të marrin retweet, më pëlqen apo përgjigje publike: personat mund të ndërveprojnë vetëm me mesazhe direkte”, vijon ai.
Twitter në fakt nuk është i vetmi rrjet social që teston versionin e tij të Stories. Edhe LinkedIn ditët e shkuara ka bërë të ditur se po bën një eksperimentim analog.