Kush është Katerina, ish-diplomatja greke pas të cilës u “marros” Edi Rama

Ish-kryeministri Berisha foli mbrëmë për një lidhje erotike të kryeministrit Rama me një diplomate greke në fillim të viteve ’90 kur ky i fundit ishte më shumë piktor dhe publicist se sa politikan. “Historia e emigrimit të Edi Ramës ka qenë e lidhur me një greke. Ka qenë një diplomate. Dhe shërbimet informative e ndiqnin, Ramën dhe greken. Ai shkoi me të në Paris. Tani se cila ishte lidhja, dmth, ishte lidhje erotike apo ishte lidhje pune… Nuk e di nëse Rama rekrutoi greken apo grekja Ramën”, u shpreh Berisha. Mësohet se ish-diplomatja në fjalë, për të cilën flet Berisha quhet Katerina dhe ka hyrë e dalë shpesh në një bar të njohur ku rrinin në atë kohë gazetarët. Gazetarë të kohës tregojnë se Rama pati një miqësi me të, por nuk konfirmojnë versionin e Berishës.