Katër persona humbën jetën tragjikisht mbrëmjen e djeshme në Fushë Krujë. Ata ishin duke udhëtuar me mjetin e tyre tip Audi teksa janë përplasur pas një kamioni me targa kosovare.
“News 24” raporton se viktimat jane identifikuar si shtetasit Fatlum Xhikoli, 33 vjeç, Arben Kani, 36 vjeç, Nazim Rrahmani, 36 vjeç, dhe Luljan Mahilaj 45 vjeç.
Njoftimi i Policisë:
Më datë 18.03.2020, rreth orës 20:30, në autostradën Fushë Krujë-Laç, një mjet tip “Audi”, i ka rënë nga mbrapa një kamioni me targa Kosove dhe për pasojë, kanë ndërruar jetë 3 shtetas që udhëtonin në mjetin “Audi” dhe një tjetër është dërguar në gjendje kritike për jetën në spital.
Grupi hetimor ndodhet në vendngjarje dhe po punon për zbardhjen e shkakut të aksidentit.