Dhe pse pothuajse përditë mjeku i njohur Tritan Kalo përsërit thirrjet e tij për shqiptarët që të ndjekin rregullat, sipas tij vetëndërgjegjësimi është ende i ulët.
Me një postim në faqën e tij në Facebook, ai bën thirrje të fortë për qytetarët që të qëndrojnë në shtëpi dhe të garantojnë distancimin social, për të frenuar vrullin e asajq ë ai e cilëson flamë botërore.
Kalo thekson se nuk është koha për politikë, pasi sipas tij, “shuplakat do të kemi mundësi t’i përdorim që në zgjedhjet më të afërta…”.
“PAS FITORES së kësaj beteje, shpresoj dhe uroj që të kemi vullnetin dhe dëshirën për të bërë ndryshimet e duhura në këtë sistem të dështuar, që nga mënyra e instalimit të tij po ashtu edhe përgjatë 30 viteve të një tranzicioni asfiksues, për burimet njerzore, natyrore dhe zhvillimore të Nënlokes Shqipëri….PUNË, PËRKUSHTIM e PROFESIONALIZËM nga kushdo dhe kudo…”- thotë ai, duke shtuar se kjo është e vetmja PPP që na duhet tani.
