Policia e Elbasanit ka vënë në pranga një 54-vjeçar i cili është dënuar nga gjykata e Bergamos në itali me 14 igte burg për vrasje të mbetur në tentativë.
Sipas burimeve zyrtare bëhet fjalë për Leonard Kote (Taçi) i cili tashëm është arrestuar përkohësisht me qëllim ekstradimin.
NJOFTIMI I PLOTE
Elbasan
Vijon puna për kapjen e personave të shpallur në kërkim ndërkombëtar.
Arrestohet një shtetas shqiptar, me qëllim ekstradimi drejt Italisë.
Specialistët për Hetimin e Narkotikëve në Drejtorinë Vendore të Policisë Elbasan, në bashkëpunim me Interpol Tirana, pas një pune të mirëorganizuar, lokalizuan, kapën dhe arrestuan përkohësisht, me qëllim ekstradimi drejt Italisë, shtetasin shqiptar të shpallur në kërkim ndërkombëtar:
• Leonard Kote (Taçi) , 54 vjeç, banues në Elbasan.
Kapja dhe ndalimi i tij u bë, pasi Gjykata e Bergamos/Itali e ka dënuar me 14 vjet burg, për veprat penale “Vrasja e mbetur në tentativë”, “Vjedhja e armës së zjarrit” dhe “Mbajtja pa leje e armës së zjarrit në vende publike”, parashikuar nga Kodi Penal italian.
Veprimet e mëtejshme për këtë shtetas do të kryhen nga Zyra e Interpolit Tiranë.