Një mjekim për artritin që është përdorur në Kinë për trajtimin e koroanvirusit vrasës, ka shëruar 95 për qind të pacientëve në gjendje të rëndë, raportojnë studiuesit.
Tocilizumab, me emër marketingu Actemra, merrej nga pacientët e artritit reumatoid për uljen e inflamacionit.
Dokrorët kinezë ia dhanë atë 20 pacientëve gjatë pikut të epidemisë dhe raportojnë se 19 prej tyre dolën të shëruar nga spitali brenda dy javëve.
Tocilizumab është një mjekim ekzistues prandaj ai mund të marrë shpejt autorizimin e nevojshëm nga entet rregullatore për t’u përdorur kundër epidemisë.
Zyrtarët në Kinë e kanë aprovuar tashmë Actemra për trajtimin e pacientëve të koronavirusit, të cilët pësojnë dëme në mushkëri si pasojë e inflamacionit të lartë, çka shkaktohet prej reagimit të trupit ndaj koronavirusit.
Administrata amerikane ka lejuar nisjen e testimeve të tij në pacientë, u mësua dje nga SHBA.
Tocilizumab përdoret për trajtimin e të rriturve me arthritis rheumatoid, si dhe disa tiupe artriti te fëmijët.
Emrat e tij më të rrahur të marketingut janë RoActemra e Actemra, të prodhuara nga gjigandi zvicerjan-ndërkombëtar farmaceutik, Roche.
Mjekimi funksionon me reduktimin e proteinës IL-6 në trup, e cila gjendet me shumicë te njerëzit me artrit apo sëmundje të tjera auto-imunitare.
Tocilizumab bllokon efektin e IL-6 dhe është kthyer në njëmjet të shpeshtë për trajtimin e inflamacioneve të brendshme, megjithse është lidhur me parë me disa raste vdekjesh.
Doktorët në Kinë testuan tocilizumab për parandalimin e super-reagimit të sistemit imunitar njerëzor në disa pacientë të koronavirusit, e njohur ndryshe si “stuhia e citokinës, çka shkakton inflamacionin, dhe dështimet e organeve në pacientët e koronavirusit.
Nuk është ende e qartë nëse pneumonia e rëndë që shihet në pacientët e COVID-19 shkaktohet nga virusi, apo nga komplikacionet e reagimit të trupit.