Deri në 14% të pacientëve të shëruar me koronavirus në Kinë, kanë rezultuar sërish pozitiv, thonë ekspertët mjekësorë.
Hulumtimet kanë treguar se 3-14% e pacientëve të mëparshëm të shëruar nga covid-19, janë testuar sërish pozitiv, raporton ‘dailymail’.
Lajmi u bë i ditur, pasi Kina iu frikësua një shpërthimi të dytë të virusit, dhe kështu filloi të bënte testime të tjera.
Mjekët në një spital në Wuhan zbuluan se pesë nga 147 pacientët në një studim u testuan përsëri pozitiv pas shërimit, tha Wang Wei, drejtori i Spitalit të qytetit.