Pasi kryeministri britanik Boris Johnson bëri të ditur se është në vetëizolim pasi rezultoi ne koronavirus, konfirmohet i infektuar dhe ministri i Shëndetësisë, Matt Hancock.
Ka qenë vetë ai që e ka bërë këtë përmes postimeve në rrjetet sociale. Hancock tha që kishte marrë këshilla mjekësore për të bërë një test pasi kishte shfaqur “simptoma të lehta”.
Por ai tha se “shpresoj që ta përfundojë periudhën e izolimit të enjten e ardhshme”.
Në një videomesazh, Hancock tha: “Për fatin tim të mirë simptomat deri më tani kanë qenë shumë të lehta, kështu që kam qenë në gjendje të vazhdoj me punën. Do të vazhdoj të bëj gjithçka mundem. Dhe do ta bëj këtë nga këtu“.