MEPJ në një njoftim për mediat ka publikuar dhe foto nga brenda avionit, ku Cakaj shihet në shoqërinë e mjekëve.
Ministrisë në Detyrë për Evropën dhe Punët e Jashtme, Gent Cakaj është nisur sot bashkë me 30 mjekët shqiptarë për të shkuar në Romë, nga ky do zhvillohet një operacion për riatdhesimin e shqiptarëve. MEPJ në një njoftim për mediat ka publikuar dhe foto nga brenda avionit, ku Cakaj shihet në shoqërinë e mjekëve. Por ministri ka bërë një gabim, pasi nuk ka respektuar distancën prej një merët dhe shihet shumë afër me mjekët të cilët janë pa maska, e ai vetë pa asnjë masë mbrojtëse kundër COVID-19.
“Pas një pune të shkëlqyer të strukturave të Ministrisë për Evropën dhe Punët e Jashtme dhe Përfaqësive të Republikës së Shqipërisë, në bashkëpunim me Ministrinë e Infrastrukturës dhe Energjisë, Ministrinë e Shëndetsisë dhe Mbrojtjes Sociale, si dhe Ministrinë e Brendshme, ka nisur sot operacioni për riatdhesimin e shqiptarëve të bllokuar jashtë vendit, për shkak të situatës që krijoi pandemia e COVID-19, me mbylljen e kufijve. Nëpërmjet “Lasgushit” të vënë në dispozicion për kryerjen e këtij operacioni, vetë Ministri në Detyrë për Evropën dhe Punët e Jashtme, Gent Cakaj, po udhëton drejt Romës, për të siguruar përmbylljen e të gjithë procedurave dhe për të siguruar sjelljen e 120 shqiptarëve drejt atdheut te tyre.
Operacioni do të vijojë gjatë gjithë javës duke bërë të mundur kthimin e shqiptarëve të mbetur në shtete të ndryshme, nëpërmjet rrugëve tokësore dhe ajrore. Rikthimi i qytetarëve, sipas prononcimit të MEPJ, do të bëhet sipas tre kategorive në të cilat përfshihen: qytetarët shqiptarë që kanë qëndruar më shumë se 90 ditë në vendet ku ata janë bllokuar, studentët shqiptarë në vendet ku ata studiojnë dhe rastet humanitare”, është ky njoftimi nga ministria.