Karantina nuk i ka ndaluar aspak artistët shqiptarë që të publikojnë këngë, përkundrazi i ka dhënë një arsye më shumë, në mënyrë që njerëzit të kenë çfarë të dëgjojnë, të kërcejnë dhe këndojnë gjatë kohës së qëndrimit në shtëpi. Nuk mund të themi me siguri se publiku i ka pëlqyer të gjitha, megjithatë nga komentet, shikimet në Youtube dhe postimet në rrjetet sociale, ky izolim ka qenë një përiudhë e suksesshme për këngëtarët.
Nisur nga këngët e albumit të ri të Ledrit dhe të Noizyt, kënga e dashurisë e Venerës dhe Lindit e deri tek rikthimi i Era Istrefit dhe bashkëpunimi interesant mes Loredanës dhe Zunës, këto janë ato që ne po i pagëzojmë si ”këngët e karantinës”.