Studiuesit gjermanë kanë shpikur sot një metodë që mund të rrisë ndjeshëm numrin e testimeve të koronavirusit.
Lajmi u bë i ditur nga Ministria gjermane e Shkencave dhe ka ngjallur jo pak shpresë në mesin e vendeve anëtare, të cilat kanë shprehur prej kohësh shqetësime për numrin e ulët të testimeve.
Metoda e re lejon që mostrat të vlerësohen menjëherë, duke i lejuar Gjermanisë të bëjë nga 40,000 teste në ditë në 400,000 teste në ditë pa humbur saktësisnë e diagnostikimit.
Normalisht, tamponët e ndryshëm të marra gjatë në gojë dhe hundë vlerësohen veçmas. Me metodën e re, shkencëtarët i vendosin tamponët në një sondë të vetme dhe i testojnë me të ashtuquajturën metodë PCR, e cila dikton direkt SARS-CoV-2. Nëse rezultati i përgjithshëm është negativ, atëherë është e qartë se tamponët e ndarë janë të gjitha negativë dhe nëse rezultati është pozitiv, atëherë të gjitha tamponët duhet të vlerësohen veçmas.
Gjermania është vendi më shkallën më të ulët të vdekshmërisë në botë, edhe pse ka më shumë se 67 mijë raste të konfirmuara.
Presidenti i Institutit Robert Koch (RKI), Lothar Wieler, publikoi te tjera detaje të më 600 vdekjeve të deritashme nga Covid 19, duke theksuar se mosha mesatare e atyre që vdiqën ishte 80 vjeç. Po ashtu , asnjë vend tjetër nuk ka më shumë aparate frymëmarrjeje për 100.000 banorë.
Përqindja e vdekjeve midis rasteve të konfirmuara në Gjermani është nën një përqind. Sidoqoftë, Wieler mendon se kjo do të rritet në planin afatmesëm. Ai tha se beson se për Pashkë do të ketë në dorë “shifra konkrete”, mbi të cilat mund të përcaktohet tendenca e sëmundjes.
Ai i bëri thirrje popullatës që të vazhdojë të ndjekë masat që përcakton politika. Sipas tij, Gjermania është e pozicionuar mirë për të luftuar virusin, po të dobësohet kurba e rritjes.