Dje deputeti i PD-së Xhemal Gjunkshi është vënë në krye të një grupi qytetarësh në Dibër dhe kanë protestuar në lidhje me llixhat që ndodhen në periferi të qytetit Peshkopisë.
Deputetja socialiste Almira Xhembulla shprehet se: “Gjuetarët e ujit” që s’po lën vijë a hurdhë në Shqipëri pa kërkuar ta shfrytëzojnë, kanë gjetur një hapësirë për të cënuar interesin tonë të përbashkët. Si deputete e Dibrës, si qytetare, si advokuese e së drejtës së komuniteteve në menaxhimin e burimeve natyrore, që në momentin kur mora informacion për një vendimmarrje që lidhej me ujin e llixhave, në koordinim me Kryetarin e Bashkisë e përcolla shqetësimin dhe kërkova informacion tek të gjithë instancat përkatëse”.
Nga Zyra e Kryeministrit u dha urdhër për ngritjen e një grupi pune për të vlerësuar proçesin dhe vlefshmërinë e kësaj vendimmarrje. Ndërkohë sot në Peshkopi është organizuar një dëgjesë me përfaqsuesit e biznesit. Kjo cështje ka ndjeshmëri të lartë dhe grupi i punës do të shprehet në ditët që vijnë.
“Ajo ç’ka ne ndamë me pjesëmarrësit në takim ishte si më poshtë:
📌Vendimi është: Leje për
marrjen në përdorim.
📌Vendimi është marrë nga Këshilli i Basenit
Ujor Drin-Bunë
📌Përfaqësuesit e Dibrës kanë votuar kundër
dhe kanë paraqitur argumentat e tyre, për mos pranimin e kësaj leje.
📌Kjo leje nuk mund të shfrytëzohet pa marrë
leje shfrytëzimi dhe ndërtimi pranë bashkisë
📌Bashkia është e angazhuar maksimalisht për
të gjetur të gjitha format për ta bllokuar këtë vendim”, nënvizon Almira
Xhembulla.