Antonio De Pace vrau të dashurën e tij Lorena Quaranta 27 vjeç dhe më pas njoftoi policinë. Ai i tha policisë se e vrau sepse i kishte ngjitur koronavirusin.
Lorena kishte postuar pak ditë para vdekjes së saj tragjike, rreth 41 mjekë italianë që kanë vdekur gjatë pandemisë.
“Tani më shumë se kurrë, ne kemi nevojë për të demonstruar përgjegjësi dhe dashuri për jetën. Ju duhet të tregoni respekt për veten tuaj, familjet tuaja dhe vendin.
‘Le të rrimë të gjithë në shtëpi. Le të shmangim një të infektuar tjetër që mund të jetë një person i joni i dashur ose vetvetja”, shkruan ajo.
De Pace vetëm pak javë më parë kishte postuar një shkrim për të dashurën e tij pas kualifikimit të saj si mjeke.
Ai shkroi: ‘Për të arritur ëndrrat tona, duhet të punojmë shumë me vendosmëri dhe ti je dëshmi. Uroj që të vazhdosh të ndjekësh ëndrrat e tua, të jetojmë jetën që kemi imagjinuar gjithmonë. Te lumtë! Urime!’
Pas vrasjes së të dashurës, ai tentoi të vriste dhe veten duke prerë damarët dhe u gjet i shtrirë në dysheme.
Ai u shpëtua nga kolegët e Lorenës në spital. Pas testimeve të bëra u zbulua se as ai dhe as e dashura e tij nuk kishin koronavirus dhe policia u habit me deklaratën e djalit, ku u shpreh se e vrau sese ia kishte ngjitur koronavirusin.
Miqtë dhe kolegët e tyre u shprehën se ata ishin një çift mjaft i qetë dhe nuk grindeshin kurrë me njeri-tjetrin, madje Lorena ishte një vajzë shumë e qeshur dhe jetonin bashkë prej 3 vitesh.