Ministria e Shëndetësisë bëri të ditur sot se nga 277 të prekurit me COVID-19 tetë janë fëmijë. Ndërkohë në mëngjes zv.ministrja Rakacoli bëri të ditur se është bërë gati infektivi i pediatrisë për fëmijët, që për fat të mirë deri më sot nuk është shtruar asnjë.
Ndërkaq, mes të prekurve të fundit është një nënë me dy vajzat e saj nga Elbasani, të cilat janë nisur me urgjencë drejt infektivit. Ndërkohë kryefamiljari gjithashtu rezultoi pozitiv në testin e dytë për koronavirus.
Sipas asaj që raporton Panorama, ditën e sotme është konfirmuar pozitiv edhe në testin e dytë bashkëshorti i punonjëses së një banke të nivelit të dytë në Elbasan.
Mësohet se ne daten 15 mars 53 vjeçarja, punonjëse banke ka pasur kontakt me nje person qe ka qene i infektuar.
Sot bashkia Elbasan ka dezinfektuar ambientet ku eshte identifikuar vatra e virusit.
Sakaq analizat po i kryen edhe punonjesve te bankes ku punonte 53 vjeçarja, e cila infektoi dy vajzat e saj, 22 dhe 25 vjecare si dhe bashkëshortin.