Kampi i refugjatëve në Ritsona, në afërsi të Athinës, do të izolohet totalisht për të paktën për 2 javë, pasi 21 emigrantë janë testuar si pozitivë nga koronavirusi. Këto janë cilësuar si shifra alarmuese, pasi deri tani janë bërë vetëm 60 teste.
Rasti i parë mendohet të jetë një grua shtatzënë, e cila pasi lindi fëmijën rezultoi të ishte positive me Covid-19.
Kryeministri grek Kyriakos Mitsotakis deklaroi se situata po monitorohet me seriozitet dhe se emigrantëve nuk do t’ i mungojnë kushtet dinjitoze dhe ndihma mjekësore.