Ditët ku vendi ynë u përfshi nga karantina strukturat shtetërore raportuan se afro 400 banorë të Qarkut Dibër ishin kthyer gjata fundshkurtit dhe fillimarsit nga Italia.
Policia dhe strukturat e pushtetit u kërkuan atyre të qëndrojnë për dy javë në shtëpi. Kryetarët e fshatrave dhe administratorët e 35 njësive informonin çdo ditë për vendndodhjen e emigrantëve të kthyer.
Deri dje u dërguan tamponët për 9 persona të dyshuar dhe ato rezultuan negativ. Ndërkohë mbrëmë u dërgua materiali për analiza të një 80 vjeçarje nga Mati. Edhe ky rast sipas zyrtarëve të DSHP rezultoi negativ, duke e mbajtur shifrën zero të të infektuarve me Covid 19.