Një zjarr ka rënë në orët e para në një shtëpi në fshatin Shoshaj të Matit. Për pasojë janë lënduar familjarët të cilët janë nisur me urgjencë drejt Tiranës.
Sipas burimeve zyrtare shkak ka qenë një pajisje e lënë në prizë nga pakudjesia. Ndërkohë vijojnë hetimet për zbardhjen e plotë të ngjarjes.
INFORMACIONI I PLOTE
Mat / Informacion paraprak
Rreth orës 03.55, shërbimet e Komisariatit të Policisë Mat, kanë marrë njoftim se në fshatin Shoshaj, ka rënë zjarr në banesën e shtetasit P.D, ku si pasojë janë lënduar kryefamiljari, bashkëshortja dhe dy fëmijët e tyre, të cilët janë dërguar për ndihmë më të specializuar drejt Tiranës, e aktualisht ndodhen jashtë rrezikut për jetën.
Nga veprimet paraprake të kryera dyshohet se zjarri është shkaktuar aksidentalisht, pasi nga pakujdesia kanë lënë ndezë një pajisje elektronike.
Grupi hetimor ndodhet në vendngjarje dhe po ponohet për zbardhjen e plotë të shkaqeve të rënies së zjarrit në banesë.