Një zjarr ka rënë në një dyqan që tregtonte bateri makinash në një kompleks pallatesh në rrugën “Dritan Hoxha” në Laprakë. Kjo ka shkaktuar panik te banorët, të cilët kanë ‘harruar’ karantinën dhe kanë vërshuar në rrugë të alarmuar.
Dyshohet se zjarri ka rënë si pasojë e një shkëndije elektrike, ndërsa bateritë e makinave që kanë një përmbajtje të madhe acidi kanë shkaktuar tym të madh në zonën e banuar.
Kjo ka krijuar panik te banorët, të cilët kanë dalë të alarmuar jashtë pallatit. Zjarrfikësja ndodhet në vendin e ngjarjes ku ka vënë nën kontroll flakët.
Nuk raportohet për të lënduar, por vetëm dëme materiale.