Ka vdekur edhe një person nga koronavirusi në Kosovë.
QKUK ka njoftuar se mbrëmë ka ndërruar jetë 69 vjeçari nga Suhareka, që ishte pranuar në klinikë më 10 prill.
Siç ka njoftuar QKUK, i njëjti kishte pasur edhe probleme të tjera shëndetësore që lidheshin me zemrën.Kjo është viktima e 9-të nga koronavirusi në Kosovë.
Njoftimi i plotë:
Sipas raportit 24 orësh, në Klinikën Infektive po trajtohen 53 raste pozitiv me Covid-19, kurse janë shëruar 3 pacientë.
Gjendja e pacientëve të sëmurë me Covid -19 është si vijon:
39 raste janë në gjendje stabile, 12 raste janë në trajtim me oksigjenoterapi dhe përkujdesje intensive.
Në mjekimin intensiv të klinikës janë 3 pacientë në gjendje kritike, prej të cilëve njeri është në oksigjenoterapi dhe përkujdesje intensive si dhe dy pacientë janë në ventilim mekanik.
Në Mjekimin Intensiv të Klinikës Infektive, mbrëmë pas mesnatës ka ndërruar jetë pacienti 69 vjeçar nga komuna e Sukarekës, i cili ishte pranuar me 10/04/2020 në gjendje të rëndë dhe kishte edhe probleme kardiake.