Kreu i Partisë demokratëve, Lulzim Basha i është përgjigjur nga çadra kryeministit Edi Rama me një tjetër ultimatum.
“Dje na dha ultimatumin se kemi 48 orë për t’u bërë edhe ne pjesë e fasadës, e alibisë, e teatrit të kulullave, 48 orë që kriminelët të jenë në kuvend. Përgjigjja ime është kjo: Ke 48 ditë kohë para se të shpallim luftën totale për asgjësimin e republikës së vjetër”- tha Basha.
Sipas tij, mosbindja civile, bashkimi i shqiptarëve në çdo formë e mjet demokratik që do të përshkallëzohet më 7 Maj në çlirimin e kryeqytetit të lirisë, Kavajës. Basha shtoi se mosbindja civile do shtrohet në çdo qytet, lagje, e fshat, për të kulmuar me 18 Qershor, kur sipas tij, shqiptarët e bashkuar do të rimarrin kontrollin fizik të Shqipërisë që i takon dhe u takon vetëm atyre
Basha tha se , sido që Rama ti ketë bërë llogaritë, opozita dhe bashkimi i madh popullor nuk do ta lejojë. “Nuk di si i ke bërë ti planet për 18 qershorin, ku po të çon mushka, por nuk do të qeverisësh dot asnjë orë të vetme pas 18 Qershorit, ndaj ke vetëm një rrugë bëhu pjesë e zgjidhjes ose shporru bashkë me republikën e vjetër, qytetarët nuk do të kthehet pas”- tha ai./TiranaNews/