Drejtoria e Përgjithshme e Tatimeve ka njoftuar sot të gjithë qytetarët se nesër në orën 12:00 do të mbyllen aplikimet për të gjitha ata që përfitojnë ndihmë nga paketa e parë ekonomike. Përmes një njoftimi në rrjetin social Facebook, Tatimet bëjnë me dije se të gjithë përfituesit e paketës së dytë do të kenë mundësi të aplikojnë pas datës 21 prill. “Të nderuar bashkëqytetarë Drejtoria e Përgjithshme e Tatimeve ju njofton se aplikimet për të gjithë përfituesit e paketës së parë ekonomike do të mbyllen ditën e nesërme datë 18 Prill në orën 12:00! Gjithashtu dëshirojmë tu bëjmë me dije se për të gjithë përfituesit e paketës së dytë ekonomike,aplikimet do të fillojnë ditën e martë në datë 21 Prill! Ju falënderojmë për vëmendjen tuaj dhe ju urojmë një fundjavë të qetë”, shkruhet në njoftim.
Sipas udhëzimeve të qeverisë në paketën e parë përfitojnë të gjithë ata që kanë pasur një biznes të vogël dhe u është mbyllur me urdhër të Ministrisë së Shëndetësisë. Por dhe për ata punëtorët që kanë mbetur pa punë nga këto urdhra.