Pas pandemisë Covid-19 që pushtoi gjithë botën, futbolli është vendosur në plan të dytë. Ish-yjet e futbollit dhe legjendat e këtij sporti kanë vendosur të angazhohen në këtë luftë.
Ata kanë organizuar një video, teksa shihen të gjithë bashkë njëri-pas tjetrit duke duartrokitur për bluzat e bardha. Lojtarë si Maradona, Pele, Beckham, Zidan, Cafu, Kaka dhe shumë të tjerë janë të përfshirë në videon e realizuar nga Federata Botërore e Futbollit.
Kjo mbështetje vjen për punën e palodhshme që po bëjnë mjekët, të cilët në këtë moment janë kthyer në shpëtimtarët e gjithë botës.