Një lajm i trishtë vjen nga Shkodra, ku është ndarë nga jeta në mënyrë të papritur një nga ish-sportistët dhe biznesmenët më të njohur të këtij qyteti.
Bëhet fjalë për Nikolin Karrocën, i cili ndërroi jetë në moshën 52-vjeçare, si pasojë e një ataku kardiak.
Karroca njihej si biznesmen i suksesshëm në fushën e fasonerisë, ku prej disa vitesh ishte administrator i një fabrike këpucësh.
Lajmi për ndarjen parakohe nga jeta ka pikëlluar familjarët, miqtë por edhe sportdashësit e shumtë shkodranë, midis tyre ekipin e hendbollit të Vllaznisë të cilin ai e përkrahte vazhdimisht me fonde.