Drejtori i përgjithshëm i “Facebook”, Mark Zuckerberg zbuloi “hartën e nxehtësisë” së koronavirusit të mundësuar nga të dhënat në “Facebook”, që ka për qëllim të ndihmojë në gjurmimin e përhapjes së sëmundjes dhe planin për rihapjen e shoqërisë.
Harta e krijuar nga studiuesit në Universitetin “Carnegie Mellon” ofron të dhëna në kohë reale të aktivitetit COVID-19 jo më parë të disponueshme nga ndonjë burim tjetër, sipas një deklarate të universitetit.
Harta bazohet në miliona përgjigje ndaj sondazheve që u kërkuan përdoruesve të “Facebook” dhe “Google”, në SHBA, që të vetëraportojnë simptomat gjatë një periudhe prej 10 ditësh në fillim të këtij muaji.
Zuckerberg tha se harta e nxehtësisë po zgjerohej globalisht me ndihmën e ekipeve kërkimore të Universitetit të Maryland si pjesë e një përpjekjeje për të monitoruar përhapjen e virusit.
Ai diskutoi rezultatet fillestare të sondazheve në një intervistë me “ABC News”, duke përshkruar se si hartat do të ofrojnë një pamje të plotë të pikave të mundshme që mund të ndihmojnë zyrtarët shëndetësorë të identifikojnë zonat që kanë nevojë për më shumë furnizime, ndërsa gjithashtu parashikojnë ringjalljet e mundshme në rrugë.
Zuckerberg foli edhe për përvojën e tij me pandeminë, duke zbuluar se ai është munduar të përshtatet me normalen e re si të gjithë të tjerët, duke treguar në mënyrë specifike sfidën e punës nga shtëpia me dy fëmijë të vegjël përreth.