Prej ditësh tregu i Vlorës i ashtuquajtur i Orizit, vijon të jetë i mbyllur dhe tregtarët kanë kërkuar të takohen me përfaqësues të Bashkisë, por u është refuzuar çdo takim.
Në këto kushte ata sot janë mbledhur para bashkisë te revoltuar me kryetarin Dritan Leli pasi kanë mbetur pa punë dhe duan një zgjidhje.
“Nuk është më i mirë se unë kryetari, nga lekët tona mbahen. Duam përgjigje tani. Kam ardhur që të na nxjerrin përfaësues këtu. I marrin taksat i kanë marrë. Do ta shqyejmë derën. Nuk ikim nga këtu.
Kemi 1 muaj e gjysëm. Të na jepet një zgjidhje. Na kanë lënë pa punë. Kemi takim me kryetarin nuk na del. Ne i kemi bërë shkresurinat. Pse na lë këtu. Ne duam të ushqejmë fëmijët.
Takuam kryetarin e bashkisë dhe na tha ikni na prisni tek bashkia. Ai maskara tha ju ka thënë të vini këtu, tha për prefektin. Ça koronavirusi ooo, ne vdiqëm nuk kemi bukë për fëmijët”, thanë tregtarët.