“Ankesat” më të shpeshta në internet përgjatë kësaj kohe lidhen me ëndrrat e shpeshta që shumica e njerëzve po shohin gjatë periudhës së karantinës. Ndoshta, mund të jeni duke përjetuar makthe, ëndrra të çuditshme, gati surreale, por si lidhet e gjitha kjo me situatën aktuale? Deirdre Barrett nga Universiteti i Kembrixhit ka një shpjegim për pikëpytjet tona.
Ajo thekson se informacioni, lajmet dhe gjithçka tjetër që lidhet me koronavirusin, me apo pa vetëdijen tonë kanë shkaktuar panik dhe frikë thellë brenda nesh. Është kjo arsye pse subkoshienca na adreson tek ankthi se mos e mbartim virusin në organizëm, edhe pse mund të mos jemi të infektuar. Sipas Barrett, ëndrrat e pazakonshme apo makthet që përfshijnë situata të pashpjegueshme apo gjallesa si krimbat apo kandrrat, janë simbol i frikës që mbajmë çdo ditë mbi supe.
Shkak për ëndërrimin e shpeshtë – shumë më tepër se në kohë të zakonshme – vjen si pasojë e jetës pasive që po bëjmë së fundmi: shumica po kalojnë më shumë se 8 orë në gjumë, ndërkohë që 1/4 e kësaj kohe e kalojmë duke ëndërruar.