Bota është në rrezik nga uria e përhapur “me përmasa biblike” të shkaktuara nga pandemia e koronavirusit, paralajmëruan Kombet e Bashkuara. David Beasley, kreu i Programit Botëror të Ushqimit (WFP), tha se veprimi urgjent ishte i nevojshëm për të shmangur një katastrofë.
Një raport vlerëson se numri që vuan nga uria pothuajse mund të dyfishohet nga 135milion në më shumë se 250 milion. Ato më të rrezikuara janë në 10 vende të prekura nga konflikti, kriza ekonomike dhe ndryshimi i klimës, thotë WFP.
Raporti i katërt vjetor global mbi krizat ushqimore nënvizon Jemenin, Republikën Demokratike të Kongos, Afganistanin, Venezuelën, Etiopinë, Sudanin e Jugut, Sudanin, Sirinë, Nigerinë dhe Haitin. Në Sudanin e Jugut, 61% e popullatës u prek nga kriza e ushqimit vitin e kaluar, thuhet në raport.
Edhe para goditjes së pandemisë, pjesë të Afrikës Lindore dhe Azisë së Jugut tashmë ishin përballur me mungesa të mëdha ushqimore të shkaktuara nga thatësira dhe infeksione më të këqija të karkalecave për dekada.