Një 36-vjeçar është vënë në pranga nga policia pasi ka goditur me mjete të forta burrë e grua. Ndërkohë nga ana tjetër ka nisur hetimi për burrin e plagosur, pasi po ndërtonte një mur rrethues në shtëpinë e tij pa leje përkatëse.
Sipas burimeve zyrtare ngjarja ka ndodhur për motive të dobëta.
NJOFTIMI I PLOTE
Specialistët për Hetimin e Krimeve në Komisariatin e Policisë Durrës arrestuan në flagrancë shtetasin:
L. Ll., 36 vjeç, banues në Sukth, pasi më datë 26.04.2020, ka goditur për motive të dobëta, me sende të forta shtetasin V. K., 40 vjeç, i cili ndodhet nën kujdesin e mjekëve, dhe shtetasen A. K., 39 vjeçe.
Gjithashtu u procedua në gjendje të lirë shtetasi V. K., pasi u konstatua duke ndërtuar një mur rrethues në banesën e tij, pa lejen përkatëse.
Materialet i kaluan Prokurorisë së Rrethit Gjyqësor Durrës, për veprat penale “Plagosja e lehtë me dashje”,”Plagosja e rëndë me dashje” dhe “Ndërtim pa leje”.