Dy të rinj janë arrestuar nga policia e kryeqytetit pasi kanë kanë plagosur me thikë punonjësin e një fast food-i.
Sipas burimeve zyrtare ata kanë hyrë në ambientet e një fast food-i në rrugën “Myslym Shyri” ku po konfliktoheshin me punonjësin e më pas kanë goditur me thikë këtë të fundit. Falë ndërhyrjes së menjëhershme të policisë është parandaluar përshkallëzimi i mëtejshëm i ngjarjes.
I plagosur është dërguar në spital dhe është nën kujdesin e mjekëve pasi është goditur me thikë disa herë në trup.
Ndërkaq në pranga janë vënë R. O., 21 vjeç dhe A. G., 27 vjeç të cilët akuzohen për vrasje të mbetur në tentativë.
NJOFTIMI I PLOTE
Tiranë
Parandalohet përshkallëzimi i mëtejshëm i një konflikti me pasoja të rënda.
Ndërhyrja në kohë e Shërbimeve të Komisariatit të Policisë Nr. 2 çoi në pranga dy shtetas, për vrasje të mbetur në tentativë.
Shërbimet e Komisariatit të Policisë Nr. 2, pas njoftimit të marrë se në një ambient Fast Food-i, në rrugën “Myslim Shyri”, po ndodhte një konflikt mes disa personave, menjëherë kanë shkuar në adresën e dhënë, duke parandaluar përshkallëzimin e mëtejshëm me pasoja të rënda për jetën e një shtetasi.
Shtetasit R. O., 21 vjeç dhe A. G., 27 vjeç kishin hyrë në ambientet e një Fast Food-i, në rrugën “Myslym Shyri” dhe për motive të dobëta po konfliktoheshin me shtetasin R. Sh., 23 vjeç, duke e goditur me thikë disa herë në trup, i cili ndodhet në spital nën kujdesin e mjekëve. Ndërhyrja e Policisë parandaloi përshkallëzimin e mëtejshëm të konfliktit.
Në cilësinë e provës materiale, grupi hetimor sekuestroi një armë të ftohtë thikë, me të cilën autoret kryen veprën penale.
Në përfundim të veprimeve, nga specialistët e Hetimit të Krimit u bë arrestimi në flagrancë i shtetasve R. O. dhe A. G., për veprat penale “Vrasje me dashje, e mbetur në tentativë, kryer në bashkëpunim” dhe “Mbajtja pa leje e armëve të ftohta”.
Materialet e para hetimore i kalojnë Prokurorisë Pranë Gjykatës së Shkallës së Parë Tiranë, për hetime të mëtejshme.