Do të jetë një kalim i afërt ai i asteroidit “1998 OR2” më 29 prill, pak para mesditës, i cili do të “avitet” 6.28 milionë kilometra nga Toka, rreth 16 herë distanca mesatare mes Tokës dhe Hënës.
Madhësia e tij e konsiderueshme, me diametër rreth 2 kilometra, është mundësuar falë teleskopit radio Arecibo. Përmes tij nuk marrim një imazh si ata që sytë tanë do të shohin, por një sinjal si ai që do të perceptonte një radar që dërgon dhe merr valë radio.
Asteroidi OR2 i vitit 1998 udhëton me një shpejtësi prej 8.69 kilometra në sekondë dhe paraqet një kuriozitet: siç e ka theksuar dikush, gjithashtu duket se ka një lloj maskë në pjesën e përparme. Natyrisht nuk është një shaka e studiuesve, por një “lojë e dritës” për shkak të mënyrës së ndryshme në të cilën sipërfaqja e asteroidit pasqyron valët e radios për shkak të karakteristikave të saj morfologjike.
Madhësia e tij dhe fakti që ka një trajektore që e çon atë të kalojë në mënyrë periodike afër Tokës do të thotë që 1998 OR2 konsiderohet një objekt potencialisht i rrezikshëm, që duhet të mbahet nën vëzhgim të vazhdueshëm.
Një impakt me planetin tonë, në fakt, do të ishte vërtet katastrofik. Për momentin, megjithatë, është e sigurt që nuk ka rreziqe as me rastin e kalimit të 29 prillit, as në ato në vijim. Sipas një studimi të kryer nga Observatori Sormano, pasazhi më i afërt në Tokë për 10 shekujt e ardhshëm pritet të jetë ai i 16 prillit 2076, ku do ta afrohet 1.76 milionë kilometra, katër herë distanca Tokë-Hënë.