Italia / Bie numri i vdekjeve dhe i të infektuarve, vazhdon nivel i lartë shërimesh

Buletini i fundit i lëshuar nga Mbrojtja Civile tregon një trend të qëndrueshëm në numrin e personave të infektuar me Coronavirus ndërsa shifra për viktimat është ulur në krahasim me ditën e djeshme, ndërsa ka mbetur jashtëzakonisht e lartë. 323 vdekje të reja janë regjistruar në 24 orët e fundit (382 dje). Në këtë pikë, numri i përgjithshëm i viktimave në Itali ka arritur në 27.682. Sa i përket numrit të infektuarvedje ka pasur -608 raste, sot shifra për pacientët aktualë Covid-19 është -548. Kjo shifër çon numrin e përgjithshëm të infektuarve nga  virusi në 104,657 (dje ishin gjithsej 105.205). Në përgjithësi, numri i përgjithshëm i rasteve të personave të prekur nga Covid-19 që nga fillimi i monitorimit të shpërthimit kanë arritur në 203.591, një rritje prej +2.086 në ditë (dje rritja ishte + 2.091).
Sot janë shëruar 2311 pacientë në 24 orët e fundit (dje shifra ishte 2.317 persona), për një total prej 71.2252 pacientë të shëruar. Rënia e përgjithshme në spitalet është konfirmuar: pacientët në objektet spitalore aktualisht janë 19.210 (dje ishte 19,723), nga të cilët 1.795 në kujdes intensiv (dje ishin 1,863). Numri i njerëzve në izolim në shtëpi po rritet: aktualisht janë 83,652 në Itali (83.619 dje).