Ministria e Arsimit Besa Shahini ka folur sot se si do të procedohet me arsimin e lartë. Ajo tha se prioritet do të jenë studentët që diplomohen në të gjitha ciklet e studimit të tyre. Ajo tha se ata do i rikthehen auditoreve për një peridhë 3-4 javore gjatë qershorit 2020 ndërsa provimet dhe riprovimet për ta do të bëhen në korrik dhe javën e parë të gushtit.
“Elementi i dytë për studentët e viteve të tjera të të gjitha cikleve që kthehen në auditor më 25 gusht 2020 për një periudhë 3-5 javore deri në fund të shtatorit. Ndërkohë vazhdon mësimi online dhe mbyllen pjesët e lëndëve që kryen në kushte shtëpie. Proimet dhe riprovimet për këta studentë bëhen në tetor 2020.
Grupimi i tillë i studentëve është i domosdoshëm që të minimmizohet numri i studentëve dhe të sigurohen kushtet për higjienizimin dhe pastrimin dhe të sigurohet distancimi social, tha ministrja Shahini
Ndërkohë ajo vijoi duke thënë se studentët e viteve të para dhe të tjera mund të planifikojnë të mos jenë në auditore deri në fund të gushtit duke e konsideruar këtë një informacion të rëndësishëm për studentët që janë me qira.
“Elementi i tretë me mësimin online, vazhdon deri në përfundim të orëve të parashikuara. MASR po përfundon dhe rregullimet që standardizojnë mësimin online në kushte të Shqipërisë, duke u bazuar në propozimet që na vijnë nga universitetet”, tha më tej ajo.