Dermatologët kanë zbuluar pesë probleme të lëkurës të lidhura me kontraktimin e koronavirusit.
Hulumtimet e bëra mbi 375 pacientë në Spanjë kanë vënë në dritë se si Covid-19 mund të shfaqet në formën e simptomave të lëkurës, shkruan The Independent.
Të gjithë dermatologët spanjollë kishin për detyrë nga Akademia Spermatane e Dermatologjisë të ekzaminonin pacientët me shpërthim të pashpjegueshëm të lëkurës në dy javët e fundit, ku përfshiheshin ata që dyshuan ose u konfirmuan se kishin kontraktuar virusin.
Gjithsej 120 imazhe fillestare u ekzaminuan nga katër dermatologë pas një pyetësori të standardizuar pa pasur ndonjë informacion të mëtejshëm klinik.
Prej 19 për qind të rasteve me simptoma të ngjashme me çarje lëkure , të cilat përshkruheshin si “zona akrale të eritemës me disa vezikula ose pustula” dhe zakonisht mund të gjenden në duar dhe këmbë. Studimi detajon se si këto simptoma shfaqeshin si njolla të kuqe ose vjollcë të shkaktuara nga gjakderdhja nën lëkurë dhe priren të ishin asimetrike në pamje.
Studimi gjeti gjithashtu “shpërthimet vezikulare” në nëntë përqind të rasteve; fluska të vegjla, zakonisht kruajtëse, u gjetën kryesisht në trungun e trupit, duke u mbushur me gjak dhe duke shpërndarë në një zonë më të gjerë.
Së treti, 19 përqind e rasteve shfaqnin “lezione urtikarie”, të cilat zakonisht i ngjasojnë si skuqja që shkakton hithri, duke shkaktuar gunga të ngritura rozë ose pika të bardha të lëkurës dhe kanë zgjatur mesatarisht 6.8 ditë.
“Makulopapulat e tjerë”, të cilët u identifikuan si gunga të vogla, të sheshta dhe të ngritura të kuqe, u gjetën në 47 përqind të rasteve dhe mund të zbuloheshin rreth folikulave të flokëve.