Atentat me armë zjarri ka ndodhur mbrëmjen e sotme në vendin e quajtur Ura e Drojës në Kurbin, ku kanë mbetur të plagosur 2 persona. Nga të shtënat me armë të plagosur kanë mbetur një 50-vjeçar me iniciale A.M dhe një person tjetër me iniciale K.I.30 vjeç. Ata kanë marrë plagë në pjesën e këmbëve dhe mësohet se janë jashtë rrezikut për jetën.
Akoma nuk dihet shkaku i atentatit ndaj dy personave të mbetur të plagosur. Policia dhe grupi hetimor ndodhen në vendin e ngjarjes për zbardhjen e plotë të atentatit me armë zjarri dhe të identifikojnë autorin apo autorët, pasi ende nuk është e qartë se si ka ndodhur ngjarja.
Policia ka shoqëruar disa persona të cilët po merren në pyetje.