Policia e Durrësit ka dhënë detaje mbi ngjarjen e ndodhur mëngjesin e sotëm në një fasoneri të këtij qyteti, ku disa gra u shoqëruan në urgjencën e spitalit me helmim.
Sipas njoftimi zyrtar kanë qenë 16 punëtore të rrobaqepësisë që kanë marrë ndihmën mjekësore.
“Sot kanë shkuar për ndihmë mjekësore në Spitalin Rajonal Durrës, 16 punëtore të një rrobaqepësie në afërsi të mbikalimit të Fllakës. 9 prej tyre dolën nga spitali pasi morën ndihmën e parë, ndërsa 7 shtetase ndodhen jashtë rrezikut për jetën nën kujdesin e mjekëve. Paraprakisht dyshohet se shkak ishte rrjedhja e gazrave në tubin e aspirimit, që nxjerr jashtë gazrat e kaldajës së hekurosjes. Grupi hetimor vijon punën për sqarimin e plotë të rrethanave të ngjarjes”, shkruan Policia.
Po ashtu nga ana Inspektoratit të Mjedisit është marrë masa pezullim për aktivitetin e firmës fason ku ishin të punësuara gratë që u helmuan sot”, thuhet në njoftimin e policisë.
