Një 20-vjeçare është plagosur rëndë pasi është goditur nga një automjet. Ngjarja ka ndodhur rreth mesditës së të martës në Vaqarr të Tiranës.
Mësohet nga të dhënat paraprake se e reja ishte duke kaluar rrugën, ne momentin që është goditur nga një mjet.
20-vjeçarja është dërguar menjëherë në spital për të marrë ndihmën mjekësore, ndërsa drejtuesi i mjetit është shoqëruar në polici.
Grupi hetimor ndodhet në vendngjarje për të zbuluar shkaqet e aksidentit.
Vetëm pak minuta pasi u raportua një aksident në Vaqarr të Tiranës, një tjetër ka ndodhur në Lezhë, ku një 17-vjeçare është përplasur nga një furgon mallrash teksa ishte duke kaluar rrugën.
Informacionet paraprake bëjnë të ditur se 17-vjeçarja është në spital në gjendje të rëndë shëndetësore. Teksa policia vijon hetimet për zbardhjen e plotë të ngjarjes.
