Këshilli i Lartë Gjyqësor ka vendosur caktimin e numrit maksimal të kandidatëve për magjistratë në profilin gjyqtar, dhe bëhet fjalë për 25 të tillë që do të pranohen në progrmain e formimit fillestar në shkollën e Magjistraturës për vitin akademik 2019-2020.
“Gjithashtu, Këshilli i Lartë Gjyqësor vendosi caktimin e 25 (njëzet e pesë) kandidatëve për këshilltarë dhe ndihmës ligjorë, që do të pranohen për të ndjekur programin e formimit fillestar pranë Shkollës së Magjistraturës, për vitin akademik 2019-2020”, vijon njoftimi i KLGJ.
Por krahas përcaktimit të numrit maksimal të këshilltarëve dhe ndihmësve ligjorë dhe në funksion të transparencës këtij procesi,Këshilli i Lartë Gyqësor miratoi ngritjen e Komisionit të Përkohshëm për Verifikimin e Plotësimit të Kritereve të Kandidatëve për Këshilltarë dhe Ndihmës Ligjorë, që do të pranohen për të ndjekur programin e formimit fillestar pranë Shkollës së Magjistraturës, për vitin akademik 2019-2020.