Në një prononcim për mediat kreu i shtetit foli mbi ndryshimet në kondin penal, vendimin e KLGJ për Dvoranin dhe protestat.
Përsa i përket çështjes “Dvorani” kreu i shtetit nuk komentoi shumë gjatë.
“E kam dhënë një përgjie për këtë cështje, është përgjegjësi që i mbetet vetëm KLGJ dhe askujt tjetër”- ka thënë Meta.
Lidhur me ndryshimet në kodin penal për dënimet për shkelësit e karantinës, Meta tha se secili duhet të bëjë si duhet detyrën e vet.
““Të gjithë të bëjnë detyrën e tyre me përgjegjësi që qeveria, ministria e Shëndetësisë, Policia e Shtetit, Prokuroria e Gjykatat të nxjerrin aktet nënligjore dhe udhëzimet në frymën e ndryshimeve që u bënë në kodin penal që janë më të avancuara në kontinet sipas atandardeve daneze. Jo vetëm miratimi, por gjithë kolona e akteve ku do mbështeten të jetë në këtë frymë, për mbrojtjen e shëndetit të shqiptarëve”- tha ai.
Meta ka komentuar dhe protestën e një dite më parë, duke u shprehur se nuk duhen shkelur të drejtat e njeriut por të merren masa të distancimit social gjatë protestave.
“Kushtetuta e Republikës së Shqipërisë garanton në mënyrë të qartë të drejtat themelore që është fondamentale për vetë ekzistencën e demokracisë në çfarëdo lloj rrethanash dhe kushtesh, e drejtë që duhet respektuar nga autoritetet. Duhen marrë të gjitha masat jo që të ndalohet por që të zhvillohet në përputhje me kushtet specifike të distancimit social apo fizik të atyre që dëshirojnë të organizojnë një manifestim dhe të jenë gjithmonë paqësore”, tha kreu i shtetit.
