Virologu Peter Piot, drejtor i Shkollës së Londrës për Higjienën dhe Mjekësinë Tropikale, është infektuar nga COVID-19 në mes të marsit. Ai kaloi për të paktën një javë në një spital dhe që nga ajo kohë ai ka qëndruar në shtëpinë e tij në Londër.
Piot, i cili u rrit në Belgjikë, ndihmoi në zbulimin e Ebolës dhe drejtoi programin e KB për HIV/AIDS për më shumë se 10 vjet. Dhe ai tani ka përshkruar betejën e tij personale me Covid-19 pasi rezultoi i infektuar në mars të këtij viti.
“Unë jam i kënaqur që kam korona dhe jo Ebola, megjithëse lexova një studim shkencor se mundësitë që të vdesësh pas infektimit nëse përfundon në spital, janë 30%. Kjo është me të njëjtën normë të përgjithshme të vdekshmërisë si për Ebola në 2014 në Afrikën Perëndimore. Unë ia kam kushtuar jetën time luftimit të viruseve dhe më në fund, ata po hakmerren. Për një javë kam qenë në kufirin mes parajsës dhe Tokës, në skaji i asaj që mund të kishte qenë fundi.”- tha shkencëtari.