Tregtarët e rrobave të përdorura në Korçë kanë dalë në protestë ditën e sotme ku kërkojnë hapjen e tregut. Sipas tyre, kjo është e ardhura e vetme me të cilin mbajnë familjen.
Ata janë shprehur gjithashtu se nuk kanë marrë asnjë përgjigje nga Bashkia.
“Jemi mbledhur këtu që të na japin një përgjigje që të na hapet tregu, se jemi gjithë këto tregtarë që shesim aty. Jemi mbi 170 tregtarë, duam të na hapet tregu, duruar 2 muaj e gjysmë, nuk durojmë dot, me atë mbajmë familjen. S’po del asnjë të na jap përgjigjen, pagën e luftës na thonë që nuk e përfitoni, na dhanë nga një kuti me ushqime”.
“Duam të hapet Pazari se jemi në zero. Kam bërë një operacion të rënë, dhe kam 100 lekë ilaçe, jam zhytur deri në fyt me borxhe. Të hapet pazari, s’duam gjë tjetër. 2 mijë lekë, 2 mijë lekë të paktën të marrim bukën”.-thanë disa prej tregtarëve.