Kryeministri Edi Rama ka zhvilluar konferencën e tij të parë online për mediat që kur ka nisur situata e pazakonte për shkak të pandemisë nga koronavirusit.
Duke iu përgjigjur gazetarëve, kryeministri Rama foli dhe për idenë e tij për legalizimin e kanabisit për arsye shëndetësore. Teksa BE ishte distancuar nga kjo deklaratë, Rama tha se nuk ka pasur konsultime me BE për këtë.
“Eksperienca jo të legalizimit të hashashit por të futjes në jetën ekonomike dhe veprimtarinë sipërmarrëse të vendit të përpunimit të kanabisit mjekësor. Nuk ka konsultim me BE”, tha ai.
Lidhur me një bashkëpunim të mundshme sërish me LSI, Rama tha se është vështirë të bashkëpunosh me partinë e Presidentit edhe pse përdori shprehjen “Kurrë mos thuaj kurrë”. Ai tha se degradimi i vazhdueshëm i LSI, dhe programi i qeverisë nuk jep shanse për bashkëpunim.
