Policia e Fierit bën të ditur se ka rënë në pranga një 31-vjeçar, i cili po tentonte të mbillte kanabis sativa në fshatin Buzëmadh të Fierit. Burime zyrtare bëjnë të ditur se kanë qenë njerëzit që kanë telefonuar në polici lidhur me aktivitetin e paligjshëm të G.Y.
Pas kontrollit në zonë, policia sekuestroi 350 fidanë kanabisi, dhe ka vënë në pranga 31-vjeçarin nga ky fshat.
NJOFTIMI I PLOTE
Fier
Vijon kontrolli masiv i territorit për parandalimin e kultivimit të bimëve narkotike.
Si rezultat i kontrollit nga strukturat e Policisë dhe informacioneve të mara nga qytetarët është bërë i mundur parandalimi dhe goditja e një tentative për kultivim të bimëve narkotike.
Sekuestrohen fidanë narkotikë, vihet në pranga një shtetas.
Shërbimet e Policisë Fier, në vijim të kontrollit të pandërprerë për parandalimin e kultivimit të bimëve narkotike dhe falë informacioneve të marra në rrugë operative nga qytetarët, kanë bërë të mundur që në fshatin Buzmadh të parandalojnë dhe të godasin një tentativë të kultivimit të bimëve narkotike.
Si rezultat i kontrollit u gjetën dhe sekuestruan rreth 350 fidanë narkotikë dhe si rezultat i veprimeve të shpejta u bë i mundur identifikimi, kapja dhe arrestimi në flagrancë i autorit që po tentonte për t’i kultivuar:
G. Y., 31 vjeç, banues në Buzmadh, Fier.
Materialet i kaluan Prokurorisë pranë Gjykatës së Shkallës së Parë Fier, për veprën penale “Kultivimi i bimëve narkotike”.