Rrjeti social Twitter ka një emoji të ri për të shprehur mirënjohje e për të falënderuar në veçanti ata që po përballen në vijën e parë të emergjencës shëndetësore.
Bëhet fjalë për duar të bashkuara në formë zemre që do të aktivizohet sa herë që në një post do të përdoret hashtagu #faleminderit.
Nga një kërkim në mikroblog të nisur më 15 mars është parë se është rritur me 37% përdorimi i fjalës “Faleminderit” krahasuar me muajt e mëparshëm.
Në të njëjtën periudhë, në të gjithë botën janë publikuar mbi 265 milionë postime që përmbajnë këtë fjalë.