Një ditë më parë u raportua se një 23-vjeçare ishte përdhunuar nga dy të rinj të cilët u arrestuan. Mësohet se vetë vajza ka bërë denoncimin pasi përveçse e kishin përdhunuar kishin ushtruar presion për ti marrë pasurinë.
Detaje të reja dalin në dritë teksa dyshohet se vajza dhe njëri nga djemtë kanë pasur një lidhje me njëri-tjetrin dhe djali e ka ftuar në shtëpinë e tij në datën 5 maj, por aty ka qenë edhe shoku i tij dhe që të dy kanë filluar të bëjnë biseda rreth parave që u mungonin dhe ndihmës që mund t’u jepte vajza.
Lexo edhe- Përdhunojnë dhe marrin peng 23-vjeçaren, në pranga dy të rinj në Fier
Kjo e fundit dyshohet se ka kundërshtuar dhe ka tentuar të largohet, por djemtë kanë përdorur forcën për ta mbajtur. Ata nuk janë mjaftuar me kaq, por e kanë përdhunuar të dy.
Ata po ashtu, i kanë bërë presion që vajza të gjejë një mënyrë për t’u dhënë nga pasuria e familjes së saj.
Edhe kur e kanë lënë të lirë që të largohet, ata i kanë kujtuar se do të kthehen prapë tek ajo nëse nuk merr masa për t’u dhënë atë çfarë i kërkuan.