Dy vatra zjarri janë shkaktuar mëngjesin e sotëm në Bashkitë Mat e Klos.
Shtabet e Mbrojtjes Civile raportojnë se në Xibër Murrize, të Bashkisë Klos, është djegur totalisht banesa dy katëshe e shtetasit Halit Mustani. Falë ndërhyrjes së fqinjëve janë nxjerrë nga banesa katër pjesëtarë të kësaj familje. Mësohet sakaq se Bashkia ka siguruar çadër, ushqime dhe veshmbathje për katër banorët e mbetur pa strehë.
Po ashtu mësohet se në fshatin Batër e Madhe është djegur një kasolle bagëtisht dhe disa kafshë. Ndërhyrja në kohë e zjarrfiksëve dhe banorëve të fshatit ka shmangur djegjen e shtëpive të banimit në lagjen Zenunaj.